شباب أون لاين
أهلاً وسهـلاً بك ضيفنا الكريم . . . أنت لست مشترك في منتديات شباب أون لاين السودانيـــة فنتمنى ان تكون عضو معنا . . . أما إذا اردت ان تتصفح المنتدى فقم بزيارة الاقسام التي ترقب بها .
وشكرا... إدارة منتديات شباب أون لاين السودانية

( يا مرا انتي دايرة تجننيني؟)...

استعرض الموضوع السابق استعرض الموضوع التالي اذهب الى الأسفل

( يا مرا انتي دايرة تجننيني؟)...

مُساهمة من طرف الدسيس في الجمعة أبريل 08, 2011 3:08 am


يا مرا انتي دايرة تجننيني؟






















جملة ممكن
تسمعا بين راجل ومرتو... وهم بيناقشو في حاجة بعيدة من
الرومانسية.....ممكن يكونو ماشين في السوق... راجين المواصلات.... قاعدين
يتغدو... وفجاة اندلع نقاش...وتلقى الراجل جرا في مرتو نور طويل ..وقال
ليها (يا مرا انتي دايرة تجننيني؟)....[ندعوك للتسجيل في المنتدى أو التعريف بنفسك لمعاينة هذه الصورة]
وهي طوالي تنفي التهمة وتوجهها ليهو(والله الداير تجنني انت دا.... من
يومي اللميت فيك وانا مشلهتة...عان كمان دايرة تجننيني ... والله بس ياهو
،ضربني وبكا وسبقني اشتكا)....[ندعوك للتسجيل في المنتدى أو التعريف بنفسك لمعاينة هذه الصورة]

قيس بن
الملوّح مجنون ليلى... وبعضهم يناديه بمجنون بني عامر.... خلى الدنيا كلها
وقابل ليلى... لمن جننتو وخلتو لافي صينية... الغريبة في قصة مجنون ليلى
انو ليلى ما ما ابياهو دايراهو وكاسرة رقبتا وراهو.... [ندعوك للتسجيل في المنتدى أو التعريف بنفسك لمعاينة هذه الصورة]
ودا البيخليني اشك في انو قيس دا مجنون من يومو...ليلى بتحبو زي ما بحبها
البيخليهو يجن شنو؟... كان ما عدم شغلة منو... واظنو عندو وسواس.... قالو
من كترة ريدتو ليها.. وقت يجي يرقد وينوم في الليل يقعد يفكر( يا ربي ليلى اتعشت واللاّ باتت القوا؟)...[ندعوك للتسجيل في المنتدى أو التعريف بنفسك لمعاينة هذه الصورة] حسي عليكم الله وبصراحة كدي.... فيكم زول بحب واحدة بي يفكر انو اتعشت واللا لا؟...[ندعوك للتسجيل في المنتدى أو التعريف بنفسك لمعاينة هذه الصورة] يفكر فيها لما يكون جيعان يضرب تلفون ويتونس معاها ويقول ليها( مبسوطة وتقرقري كدي تلقيكي متعشية تحمدي سيدك)....[ندعوك للتسجيل في المنتدى أو التعريف بنفسك لمعاينة هذه الصورة]

وقالو بلغ الهيام والاستلاب بقيس انو لما يجي يشرب شاي الصباح... يودي كباية الشاي علي خشمو ويرجعها تاني ويفكر ( يا ربي ليلى تكون شربت الشاي؟.... والله خايف يكونو مكملين السكر؟..وما شربت الشاي!)....[ندعوك للتسجيل في المنتدى أو التعريف بنفسك لمعاينة هذه الصورة]
في ضمتكم دي فيكم زول سعل حبيبتو شربت الشاي واللا لا؟ يا كضابين!.....[ندعوك للتسجيل في المنتدى أو التعريف بنفسك لمعاينة هذه الصورة] علا تجي هي ويقابلها وتشكي ليهو من وجع الراس وانو قريفت الشاي رامياها....[ندعوك للتسجيل في المنتدى أو التعريف بنفسك لمعاينة هذه الصورة]
قالو الزاد جن
قيس انو خطب ليلى ودفع في المهر تلاتين ناقة حمراء.....وجا واحد اسمو ورد
دفع عشرة ناقات بس..اهل ليلى ادوها لورد واحمو قيس... اها قال لهم اوريكم
الجن الما بتعرفوهو بقى حايم ساكت و يلعب مع الشفع يامطيرة صُبي
لينا..اها.. الناس قالو لابوهو قيس دا ما عندك حل غير توديهو الحج...
وهناك خليهو يسعل ربنا يتوب عليهو من حب ليلى.... مشو الحج هو وابوهو في
الحج ابوهو قال ليهو اسعل ربك...قيس قال لي ربنا اغفر لي ذنوبي كلها
..وزيدني في حب ليلى...وخليني اغرق فيهو لي اضنيّ.... وقال:-

ذكرتك والحجيج لهم ضجيج
بمكة والقلوب لها وجيب
قلت ونحن في بلد حرام
به والله أخلصت القلوب
أتوب إليك يا رحمان مما
عملت فقد تظاهرت الذنوب
و أما عن هوى ليلى وتركي
زيارتها فإني لا أتوب
[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
شفتو قوة راس
الزول دا؟.... اها قالو مرة جنو قايم عليهو، مرا بعند راجل ليلى، بعد
عرست، والدنيا شتا، وصقط شديد، لقاهو قاعد يدفا في نار.... وقف جنبو وقال
ليهو:-

بربك هل ضممت إليك ليلى
قبيل الصبح أو قبلت فاها
وهل رفت عليك قرون ليلى
رفيف الأقحوانة في نداها؟
[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
راجل ليلى
اتبهط، واتخلع ،واتهجم، لكن بعد شوية قال ليهو مادام حلفتني يا قيس..آي
والله سويت كدي....قالو قيس شال ليهو جمرتين من قدام راجل الناس المسكين
دا... مسكن بايديهو وعضا شلوفتو التحتانية وقعد يكورك

( دا الخايف منو انا زااااااااتو)........[ندعوك للتسجيل في المنتدى أو التعريف بنفسك لمعاينة هذه الصورة]

_________________
القدر مكتوب مسطر ديمة نافذ امرو فينا ابقى ما تقطع رسايلك
وخلي مرسالك يجينا بيهو نطمن عليكم وتعرفوا الحال العلينا
avatar
الدسيس
المشرف العام
المشرف العام

65
84
تاريخ التسجيل : 20/08/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى