مكتبه المساطيل

من طرف Admin الثلاثاء أبريل 24, 2012 4:50 am

* مسطول بشاغل واحدة بلتلفون..
قالت ليه هي انت مسطول ؟
قال أنعل أبو الكاشف زاتو.............

* واحد مسطول مشى لصاحب الدكان قال ليه ادينى سيجارة وعلبة امواس
صاحبنا بتاع الدكان اضانو تقيلة مشى جاب ليه قلم وكراس وقال ليه اديك
بالباقى شنو المسطول عاين ليه وقال ليه ادينى بيه إملاء...

* مسطول قال لى صاحبو :
حقّو نبقى فنانين ؛
انت فنَّان تشكيلى ..
وانا فنَّان أشكيلك ..!!

* اثنين مساطيل مارين جنب الجامعة , شافو طالب هندسة شايل ليهو مسطرة طويلة جداً ( تي سكوير )
قام المسطول سأل التاني ( لا حولا دي مسطرة شنو الطويلة دي؟ )
رد التاني : أكيد دي يكون سيف الجامعة البيقولوه دا ....

* مسطول بحب الكتشينة
جاء ساطل سطلة ليها ضل
دخل البيت
امو قالت ليهو يا عثمان غطي البت دي
قال ليها بعرج يا حاجة ...

* مسطول يوم عرسو ساطل سطله شديد، بعد الناس مشت
دخل البيت جوه لقى العروس قاعدة، قال انا كنت
عارف مع جوطتهم دى حينسو ليهم زول...

* مسطول حاقد على احوص الاحوص بعمل لقيمات جلس المسطول جنب الأحول يرمى القيمات برا الزيت والمسطول يقول تشششش ....

* واحد مسطول طلع من الدكتور بكلم نفسوا ويقول : سحلية في جك .... ضب في ابريق.... قعونجة في جردل..... تمساح في بانيو...... ده شنو يلخي ده رجع للدكتور قاليه قلت عندي شنو يادكتور قاليه : سرطان في الحوض......

* واحد وامو مسطولين الولد قال لي امو عارفة ياحاجة انا بحبك !!! قالت ليه لا يولد خليها علاقة بينا ساي......

* واحد مسطول واقف جنب البحر في الجريف وعلي حسب الفي راسو شاف الموج ماشي عكس .... قال: كان اتكلمنا بقولوا مجانين ... ولو سكتنا مدني بتغرق.....

* واحد سأل مسطول ماهو الفرق بين الحيرة والدهشة رد المسطول الحيرة يختوك في اوضة مدورة ويقولوا ليك اقيف في الركن !!!! طيب والدشة قال: الدهشة انك تلقي الركن.....

* امشي شوفو.... اذا لقيتو مافي سوقو جيبوا........ اذا لقيتو في ........ خليهو تعال........ مشيت شفته ....... لقيته مافي ......... سايقوا جايبوا ......... رجع مني......... رجعت اجيبوا.... لقيتوا في....... خليتوا جيت....... (اثنين مساطيل عاوزين يسرقوا خروف جارم)..